Məntəqələrdə səsvermənin nəticəsinin ləğvi ümumi nəticələrə təsir göstərməyəcək - Məzahir Pənahov

17.02.2020 18:06

Sosial şəbəkələrdə pozuntularla bağlı yayılan videogörüntülərin çəkildiyi bütün məntəqələrdə səsvermənin nəticəsini ləğv etsək də, bu, seçkilərin ümumi nəticəsinə heç bir təsir göstərmir.

Bunu Mərkəzi Seçki Komissiyasının (MSK) sədri Məzahir Pənahov bu gün keçirilən iclasda deyib.

M.Pənahov bildirib ki, bu videogörüntülər təqribən seçki məntəqələrinin 3 faizində qeydə alınıb:

"Bəzən insanlarda belə təsəvvür yaranır ki, bütün ölkə üzrə pozuntular baş verib, ancaq bu, belə deyil. Əlbəttə, biz arzu edərdik ki, o xoşagəlməz hallar da olmasın. Ancaq mən həmişə demişəm, bütün xoşagəlməz hallar qanunvericiliyin tələbinə çox ciddi yanaşmaqla həll olunacaq, belə hallara yol verənlər isə ciddi şəkildə cəzalandırılacaqlar”.

© xezerxeber.az


221 dəfə oxunub

XƏBƏRLƏR

ÇOX OXUNANLAR