Bakı
23 C
USD
EUR
1.7000
1.9090
RUB
GBP
0.0260
2.2114
XƏBƏR
ARXİVİ

"Binaların su anbarı ildə ən azı bir dəfə yuyulmalıdır" - ASC sədri

07.11.2019 15:19

Suyun keyfiyyəti ilə bağlı deyə bilərəm ki, biz əvvəllər 500 nöqtədən su nümunəsi götürə bilirdik. Sonradan su nümunələri götürdüyümüz mənbələrin sayını 2300-ə, analizlərin sayını 172 minə çatdırdıq. Laboratoriya tikdiyimiz üçün problemli yerləri müəyyən etməklə suyun keyfiyyətini yaxşılaşdıra bildik. Deyə bilərəm ki, hazırda əhaliyə verilən su bütün standartlara cavab verir.

XəzərXəbər xəbər verir ki, bunu keçirdiyi mətbuat konfransında "Azərsu" ASC-nin sədri Qorxmaq Hüseynov bildirib.

O qeyd edib ki, şəhərin bütün nöqtələrində su tam nəzarətdədir:

"İctimai obyektlər, məktəblər, uşaq bağçaları müəyyənləşib. Digər mənbələr də daim nəzarətdə saxlanılır. Yalnız kooperativ binalarla bağlı bəzi problemlər qalmaqdadır. Məsələ ondadır ki, hər bir kooperativ binanın su anbarı ildə ən azı bir dəfə yuyulmalıdır. Çox təəssüf ki, onlar bunu diqqətə almırlar. Biz bununla bağlı Səhiyyə Nazirliyi ilə birgə iş aparırıq. Onu da demək istəyirəm ki, bir sıra hallarda "Azərsu”nun suyunu su istehsal edən şirkətlər anti-reklam vasitəsinə çeviriblər. Ancaq su filtrləri özü çirklənmə mənbəyinə çevrilib. Yaxınlarımızdan biri 20 litrlik su almışdı. Mənə dedi ki, sizin suyunuz çox keyfiyyətsizdir. Biz həmin əraziyə verilən suyu yoxladıq. Məlum oldu ki, kooperativ binadır, ora 5 ildir təmizləyici quruğu qoyublar, bir dəfə də onun filtrini dəyişməyiblər. "Azərsu" ASC suyun keyfiyyəti ilə bağlı bütün lazım olan işləri həyata keçirir”.

© xezerxeber.az

FOTOQALERIYA






63 dəfə oxunub

XƏBƏRLƏR

ÇOX OXUNANLAR