Zakir Həsənov Ukrayna səfiri ilə görüşüb

18.07.2019 17:46

Bu gün Azərbaycanın Müdafiə naziri general-polkovnik Zakir Həsənov Ukraynanın ölkəmizə yeni təyin olunmuş səfiri Vladislav Kanevski ilə görüşüb.

Müdafiə Nazirliyindən xezerxeber.az-a verilən məlumata görə, Müdafiə naziri səfiri ölkəmizdə diplomatik fəaliyyətə başlaması münasibətilə təbrik edib və ona Azərbaycan ilə Ukrayna arasında əməkdaşlığın genişləndirilməsi istiqamətində uğurlar arzulayıb.

Azərbaycan ilə Ukrayna arasında hərbi əməkdaşlığın həm ikitərəfli formatda, həm də NATO-nun müxtəlif proqramları çərçivəsində həyata keçirildiyini qeyd edən Müdafiə naziri bu əməkdaşlığın davam etdiriləcəyinə ümid etdiyini bildirib.

Ölkəmizdə diplomatik fəaliyyətə başlamasından məmnunluğunu ifadə edən səfir Azərbaycan-Ukrayna əlaqələrinin, xüsusilə hərbi sahədə əməkdaşlığın inkişafı üçün səylərini əsirgəməyəcəyini deyib.

© xezerxeber.az

FOTOQALERIYA






120 dəfə oxunub

ÇOX OXUNANLAR