Xəzər Xəbər

Professor: Koronavirus növbəti ilin yayına qədər davam edəcək

Gündəm | 18:02 • 26 Oktyabr 2020
Professor:

Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov Media.Az-a müsahibəsində ölkədəki epidemioloji vəziyyəti dəyərləndirib.

- Bu gün Azərbaycanda pandemiyanın ikinci dalğasının şahidi oluruq?

- Biz buna dalğa demirik. İkinci dalğanın gəlməsi üçün birincisitamamlanmalıdır. Bizim vəziyyətimizdə bu, belə olmadı. Bu gün gördüklərimiz sadəcə yoluxanların sayının artmasıdır. Biz əvvəldən xəbərdarlıq etmişdik ki, payız-qış mövsümünün başlaması ilə yoluxanların sayında artım olacaq.

Məsələ ondadır ki, soyuq hava yuxarı tənəffüs yollarının virus xəstəliklərindən qorunmasına mane olur. Müvafiq olaraq, bu dövrdə koronavirus da daxil olmaqla tənəffüs yolu xəstəlikləri şiddətlənməyə başlayır. Bu səbəbdən hazırkı şəraitdə ehtiyat tədbirlərinə daha çox diqqət yetirmək vacibdir. Vətəndaşları daha məsuliyyətli olmağa, maska ​​taxmağa və sosial məsafəni qorumağa çağırıram.

- Hazırda ölkədə epidemioloji vəziyyətin nəzarətdə olduğunu söyləmək mümkündürmü?

- Əlbəttə! Ölkədəki epidemioloji vəziyyət tam nəzarət altındadır, bütün tibbi qurumlar gücləndirilmiş iş rejimində işləyir.

Tarixə baxsanız, istənilən pandemiya bir ildən çox davam edib. Proqnozlarımıza görə, koronavirus növbəti ilin yayına qədər davam edəcək. Peyvəndləmə başlasa, kollektiv immunitet yaranar və 2021-ci ilin payızına qədər COVID-19-dan qurtula bilərik.

Xəbər lenti