Xəzər Xəbər

Tramp Livan gerçəkliyini “ağzından qaçırıb” Hücum, yoxsa qəza?

Dünya | 11:05 • 6 Avqust 2020
Tramp Livan gerçəkliyini “ağzından qaçırıb”

"Bəziləri bunun hücum olduğunu düşünür, bəziləri isə belə düşünmür”.


Bu sözləri ABŞ Prezidenti Donald Tramp mətbuat konfransında deyib.


Livanın paytaxtı Beyrutdakı partlayışla bağlı ikinci dəfə açıqlama verən Tramp hadisənin qorxunc olduğunu bir daha vurğulayıb: "Livanlılar bunun nə olduğunu hələ də bilmirlər. Kimsə bilmir. Hazırda araşdırmalar davam edir. Olayda bomba parçalarına bənzər şeylər ətrafa saçılıb. Bu, bəlkə də bir qəza idi, bəlkə də hücum idi. Mövzuya baxırıq”.


ABŞ prezidenti bildirib ki, Livanla ölkəsinin çox yaxşı münasibətləri var və bu olayda onların yanındadırlar.


Qeyd edək ki, Donald Tramp məsələ ilə bağlı ilk açıqlamasında partlayış haqqında "qorxunc hücum” ifadəsini işlətmişdi./publika.az

Xəbər lenti