Çində koronavirusa yoluxma yenidən artıma keçdi: türklərin yaşadığı bölgədə...

Yeni tip koronavirusun ortaya çıxdığı Çində son sutka ərzində 101 yeni yoluxma faktı qeydə alınıb.

Bu barədə Çin Milli Səhiyyə Komitəsi məlumat yayıb.

Açıqlamada bildirilib ki, yeni yoluxanlardan sadəcə 3 nəfər xaricdən ölkəyə daxil olub. Qalan 98 yoluxmadan 89-u Sintszyan-Uyğur Rayonunda qeydə alınıb.

Son sutkada Çinin materik hissəsində COVID-19 səbəbilə ölüm qeydə alınmayıb.

Qeyd edək ki, Çində bu günə qədər 84 min 60 nəfər koronavirusa yoluxub, 4 min 634 nəfər ölüb. 78 min 944 nəfər sağalıb. Hazırda Çində 482 aktiv koronavirus xəstəsi var.