Son bir sutka ərzində Latviyada koronavirusa (COVID-19) yoluxanların sayı 12 nəfər artaraq 589-a çatıb.
Bu barədə Latviyanın Səhiyyə Nazirliyi məlumat yayıb.
Bildirilib ki, epidemiyanın yayıldığı tarixdən bəri ölkədə 25 min 458 nəfər müayinə olunub.
Nazirliyin məlumatına əsasən, son sutka ərzində COVID-19-a görə 1422 nəfərdən götürülən analizinin 12-nin nəticəsi müsbət çıxıb.
Virusa yeni yoluxma hallarının artacağı istisna edilmir.
Qeyd edək ki, indiyədək bu ölkədə koronavirusdan 3 ölüm faktı qeydə alınıb.