Xəzər Xəbər

Yunanıstan koronavirus səbəbiylə İtaliyaya təhsil səfərlərini ləğv etdi

Dünya | 09:57 • 24 Fevral 2020
Yunanıstan koronavirus səbəbiylə

Yunanıstanın Təhsil Nazirliyi koronavirus səbəbiylə İtaliyaya bütün təhsil səfərlərini ləğv edib.

Bu barədə Yunanıstan hökumətinin mətbuat xidmətindən bildiriblər.

Məlumatda deyilir: "Nazir Niki Keramosun yeni sərəncamına qədər İtaliyaya planlaşdırılan bütün təhsil səfərləri ləğv edilir. Qonşu ölkədə təsdiqlənmiş koronavirus hallarından sonra və İctimai Səhiyyə Milli Təşkilatının tövsiyələrinə uyğun olaraq şagirdlərimizi, tələbələrimizi, müəllimlərimizi yoluxucu xəstəliklərdən qorumaq üçün qabaqlayıcı tədbirlər görürük".

Qeyd edilir ki, bütün təhsil müəssisələrinə müvafiq məktublar göndəriləcək.

Xatırladaq ki, İtaliyada yeni növ koronavirusdan 3 nəfər dünyasını dəyişib, 150 nəfərdən artıq insan xəstəliyə yoluxub. (trend)

Xəbər lenti