Xəzər Xəbər

İspaniyada parlament seçkiləri keçirilir

Dünya | 15:14 • 10 Noyabr 2019
İspaniyada parlament seçkiləri keçirilir

Bu gün İspaniyada son 4 ildə dördüncü dəfə parlament seçkiləri keçirilir.


Seçkilərdə 5 partiya iştirak edir.


Baş nazir vəzifəsini icra edən Pedro Sançes 2019-cu ilin aprelində keçirilən səsvermədən sonra parlamentdə yer alan partiyalar arasında ziddiyyətləri aradan qaldıra bilmədiyi üçün yeni seçkilərin keçirilməsini vacib sayıb.


Sosioloji sorğular ölkədə siyasi sabitliyin mövcud olmadığını göstərir. Bununla belə, bu seçkilərdə də sosialistlərin qələbəsi proqnozlaşdırılır. Amma hər hansı partiyanın 350 deputatın olduğu parlamentdə çoxluğa nail olacağı gözlənilmir.


Təhlükəsizlik qüvvələri Kataloniyada seçkilərin təhlükəsiz keçirilməsini təmin edir. Hakimiyyət regionun müstəqilliyini dəstəkləyənlərin seçkilərə müdaxilə etməsi ehtimalından narahatdır. Ekspertlər Kataloniyada iğtişaşların sosialistlərin deyil, "Voks” Milli-Mühafizəkar Partiyasının reytinqini artırdığını bildirirlər.

Xəbər lenti