“Qisas almaq istəməsək də…” Yunan prezident türkləri “cinayətkar” adlandırdı

"Cinayətkarlardan qisas almaq hissimiz olmasa da, baş verənləri heç olmasa, bir an unutmağı bacarmırıq. Bu təcrübənin xatırlanması və yaddaş bizi "bir daha heç vaxt” prinsipinə riayət etməyə məcbur edir. Şəhidlik həqiqəti bu qəddar soyqırım qurbanlarının qanında var: bir tərəfdə erməni soyqırımı, digər tərəfdə yunan soyqırımı”.

Bunu Ermənistana səfərdən əvvəl Yunanıstan Prezidenti Prokopis Pavlopulos deyib.

Dövlət başçısı ABŞ Konqresinin Nümayəndələr Palatasının qondarma erməni soyqırımı ilə bağlı qəbul etdiyi qətnaməni dəstəklədiyini bildirib:

"Yunanıstanın 1996-cı ildə erməni soyqırımını tanıdığı və 2014-cü ildə inkar edilməsini cinayət saydığı məlumdur. Biz yunanlar ABŞ Konqresinin erməni soyqırımı ilə bağlı son qətnaməsini alqışlayırıq”.

Prokopis Pavlupulos İrəvana bu gün gələcək./teleqraf