ABŞ prezidenti Donald Tramp iranlı həmkarı Həsən Ruhani ilə görüşün mümkünlüyünü istisna etmir.
Donald Tramp Şimali Karolinaya uçmazdan əvvəl jurnalistlərin suallarını cavablandırıb.
O, Ruhani ilə görüşün mümkün olub-olmadığına dair suala belə cavab verib: "Bu, baş verə bilər. Heç bir problem yoxdur. İran hər şeyi qaydasına salmalıdır, çünki düzünü desək, onlar çox pis vəziyyətdədirlər".
Xatırladaq ki, Tramp daha öncə sentyabrın sonlarında BMT-nin Baş Assambleyasının ümumi müzakirəsi çərçivəsində Ruhani ilə görüşün keçirilməsi haqda ehtimalın böyük olduğunu demişdi./Teleqraf.com