Fransada nazirlər 2020-ci ildə keçiriləcək bələdiyyə seçkilərinə namizədliklərini irəli sürə və hökuməti tərk etmədən seçki kampaniyası apara biləcəklər.
Bu fikirləri Fransanın Baş Naziri Eduard Filip sentyabrın 4-də keçirdiyi mətbuat konfransında söyləyib.
Baş Nazir bildirib ki, nazirlər 2019-cu ilin sonunadək öz vəzifələrini icra etməli və 2020-ci ilin yanvarından etibarən mer seçilmək üçün bələdiyyə seçkilərinə namizəd olmalıdırlar.
Lakin hökumətin qəbul etdiyi qaydaya görə, nazirlər eyni zamanda bir neçə funksiyanı yerinə yetirə bilməzlər. Buna görə də 2020-ci ilin martında keçiriləcək seçkilərdə qalib gələcəkləri halda, nazirlər iki funksiyadan birini seçməli olacaqlar. (AZƏRTAC)