Xəzər Xəbər

Cəbəllütariq ABŞ-ın İran tankerinin saxlanılması barədə xahişini rədd edib

Dünya | 18:04 • 18 Avqust 2019
Cəbəllütariq ABŞ-ın İran tankerinin saxlanılması barədə xahişini rədd edib

Cəbəllütariq ABŞ-ın İrana məxsus "Grace 1" tankerinin saxlanılması barədə xahişini qəbul etməyib.


Xezerxeber.az-ın "RİA Novosti" agentliyinə istinadən verdiyi məlumata görə, Cəbəllütariq hökuməti Avropa İttifaqı qanunvericiliyinə əsasən artıq tankerin saxlanılması üçün əsas olmadığını bəyan edib.


Qeyd edək ki, avqustun 15-də Cəbəllütariq Ali Məhkəməsi "Grace-1 " neft tankerinin azad olunması haqqında qərar çıxarıb.


Xatırladaq ki, iyulun 4-də İran bayrağı altında üzən "Grace-1” neft tankeri Britaniya dəniz qüvvələrinin dəstəyi ilə Cəbəllütariq hökuməti tərəfindən saxlanılıb. Cəbəllütariq hökuməti İrana məxsus tankerin Avropa İttifaqının Bəşər Əsəd hökumətinə qarşı tətbiq etdiyi sanksiyaları pozaraq Suriyaya neft apardığını bəyan edib.


İyulun 19-da isə İran İslam İnqilabı Keşikçiləri Korpusunun (SEPAH) Hərbi Dəniz Donanması Hörmüz boğazında Britaniyanın "Stena impero" adlı neft tankerini beynəlxalq dəniz qaydalarına əməl etmədiyinə görə saxlayıb.

Xəbər lenti