Xəzər Xəbər

Putindən vacib qərar: embarqonun müddətini uzatdı

Dünya | 17:42 • 24 İyun 2019
Putindən vacib qərar: embarqonun müddətini uzatdı

Malların sərhədi keçməsi halında onların məhv edilməsi tələb olunur

Prezident Vladimir Putin anti-Rusiya sanksiyalarına cavab olaraq tətbiq edilmiş ərzaq embarqosunun qüvvədə olma müddətini 2020-ci il dekabrın 30-na kimi uzadıb.

Bu haqda Rusiya Prezidentinin fərmanı rəsmi hüquqi informasiya portalında yerləşdirilib.

Fərman imzalandığı gündən qüvvəyə minir.

Putin "Rusiya Federasiyasının təhlükəsizliyinin təmin edilməsi məqsədilə tətbiq olunan xüsusi iqtisadi tədbirlər" haqqında fərmanı 2015-ci ildə imzalayıb.

Fərmana əsasən, Avropa İttifaqı, ABŞ, Avstraliya, Kanada və digər ölkələrdən ərzaq məhsullarının ölkəyə gətirilməsinə qadağa qoyulur. Bu addım adı çəkilən ölkələr tərəfindən tətbiq olunmuş anti-Rusiya sanksiyalarına cavab olaraq atılıb.

Bu malların sərhədi keçməsi halında onların məhv edilməsi tələb olunur.

Xəbər lenti