İranın Sistan–Bəlucistan vilayətində polisin həyata keçirdiyi əməliyyat nəticəsində 2,7 ton narkotik vasitə müsadirə edilib.
Vilayətin polis rəisinin müavini Əhməd Tahiri mətbuata açıqlamasında əməliyyat zamanı qaçaqmalçıların silahlı müqavimət göstərdiklərini deyib. O bildirib ki, polis əməkdaşları ilə atışmada qaçaqmalçılardan dördü öldürülüb. Hadisə ilə əlaqədar həbs edilənlər var. Hazırda istintaq aparılır.