Amerikalı senator: Türkiyə S-400-lə sanksiyalar arasında seçim etməlidir

Türkiyə Rusiyanın S-400 zenit-raket komplekslərini alacağı təqdirdə ABŞ sanksiyalar tətbiq edəcək və eyni zamanda F-35 təyyarələrinin satışını dayandıracaq.

Trend-in məlumatına görə, bunu ABŞ senatoru Bob Menendes deyib.

Senator bildirib ki, Ankara kiminlə olduğunu seçməlidir:

"Türkiyə NATO-nun vacib müttəfiqi qalmaqda davam etməli, ya da Qərbdən uzaqlaşmalıdır”.

B.Menendes əlavə edib ki, S-400 NATO sistemləri, texnikası ilə yanaşı dayana bilməz.

Senatorun sözlərinə görə, Türkiyəyə sanksiyalardan qaçması üçün digər variantlar təklif edilib.