Filmdə lentə alınan bir çox kadrlar Ceksonun yaxınlarını özündən çıxarıb. Onlar düşünür ki, HBO müğənninin şərəf və ləyaqətini təhqir edib. Filmdə Ceksonun pedofilliyi haqda söz açılıb.
Geniş kütlə hələ filmi görməyib. Sənədli ekran əsərinə yalnız "Sandens” kinofestivalında baxmaq mümkün olub. Dörd saatlıq film Ceksonun qohumlarını çox qəzəbləndirib. Burada Ueyd Robson və Ceyms Seyfçak uşaqlıqda müğənninin seksual təcavüzünə uğramalarından danışıb.
Ailənin vəkili Hovard Veytsman deyir ki, telekanal razılaşmanın şərtlərini pozub. 1992-ci il Buxarest razılaşmasına görə, heç bir halda pedofiliya haqda fikirlər səsləndirilə bilməz. Amma telekanal bilərəkdən bu mövzunun üzərinə gedib./Bizimyol.info