Macarıstan Maliyyə Nazirliyi Avropa İttifaqına (Aİ) daxil olmayan ölkələrin vətəndaşlarının bu ölkədə işləməsi üçün icazələrin rəsmiləşdirilməsi barədə ildə 57 min nəfərlik kvota müəyyən edib.
AZƏRTAC Macarıstan KİV-lərinə istinadla bildirir ki, keçən il Macarıstanın hakimiyyət orqanları Aİ-yə daxil olmayan ölkələrin təqribən 11.000 vətəndaşına burada işləmək üçün icazə veriblər. Milli İşədüzəltmə Bürosu (NFSZ) 2018-ci ilin birinci yarısı üçün müvafiq məlumatları hələ dərc etməyib. NFSZ-nin 2017-ci il üçün olan məlumatına görə, Aİ-yə daxil olmayan ölkələrin 9274 vətəndaşına Macarıstanda işləmək üçün icazə verilib.