Xəzər Xəbər

Yunanıstan işsizliyin səviyyəsinə görə hələ də Avropa İttifaqında birinci yerdədir

Dünya | 11:05 • 5 Dekabr 2018
Yunanıstan işsizliyin səviyyəsinə görə hələ də Avropa İttifaqında birinci yerdədir

Avropa Komissiyasının Statistika Agentliyi "Avrostat”ın məlumatına əsasən, Yunanıstanda işsizliyin səviyyəsi 18,9 faizədək azalıb. Buna baxmayaraq, ölkə Avropa İttifaqında bu göstərici ilə hələ də birinci yerdədir.

AZƏRTAC xəbər verir ki, siyahıda Yunanıstandan sonra ikinci yeri İspaniya tutur. Ölkədə işsizlik 14,8 faiz təşkil edir. Ən az işsizlik Almaniya və Çexiyadadır (3,3 faiz və 2,2 faiz).

Xatırladaq ki, Yunanıstanda işsizliyin ən yüksək səviyyəsi 2014-cü ilin birinci rübündə qeydə alınıb. O vaxt iqtisadi böhranla əlaqədar bu göstərici 27,8 faizə çatmışdı.

Xəbər lenti