Efiopiyada təhlükəsizlik xidmətinin 36 əməkdaşı saxlanılıb. Onlar rüşvətxorluqda və insan haqlarını pozmaqda ittiham edilirlər.
AZƏRTAC yerli KİV-lərə istinadla xəbər verir ki, bu barədə Efiopiyanın baş prokurorluğu məlumat yayıb.
Beş ay aparılan istintaq müddətində polis Əddis-Əbəbədə yeddi qeyri-qanuni yeraltı həbsxana aşkar edib. Bu həbsxanaların işgəncələr üçün istifadə olunduğu güman edilir.