Bu il Aralıq dənizində 2 mindən çox miqrant həyatını itirib

BMT-nin Qaçqınlar üzrə Ali Komissarlığı (UNCHR) bu ilin əvvəlindən Aralıq dənizində həlak olan miqrantların sayının 2 min nəfəri ötdüyünü açıqlayıb.

AZƏRTAC İtaliyanın ANSA informasiya agentliyinə istinadla xəbər verir ki, bu rəqəm dənizdə boğularaq həyatını itirən miqrantların sayının kəskin sürətdə artdığını göstərir. UNCHR bildirib ki, carı ilin sentyabrında dəniz yolu ilə köç etməyə çalışan hər səkkiz miqrantdan biri axtarış-xilasetmə işlərinin məhdudlaşdırılması üzündən həyatını itirib.