Gürcüstanın valyuta ehtiyatları azalıb

Oktyabrda Gürcüstanın valyuta ehtiyatları 57 milyon ABŞ dolları məbləğində azalıb.

Xezerxeber.az xəbər verir ki, bu barədə Gürcüstan Milli Bankının veb-səhifəsində xəbər verilib.

Bankın məlumatında bildirilib ki, oktyabrın 31-nə ölkənin valyuta ehtiyatları 3 milyard 95 milyon dollar olub. Xarici valyutada olan ehtiyatların həcmi 2 milyard 894 milyon dollar təşkil edib. Sentyabrın 30-da isə ölkənin valyuta ehtiyatları 3 milyard 152 milyon dollar olmaqla ölkə tarixində ən yüksək həddə çatıb.

Beynəlxalq Valyuta Fondunun məlumatına görə, Gürcüstanın valyuta ehtiyatları minimal həddən də aşağıdır.