Bu gün Almaniya
hökuməti miqrantların yerli əhali ilə inteqrasiyası, onların
yerləşdirilməsi, yaşayış yeri və ərzaqla təmini xərclərinin ödənməsinə
yardım məqsədilə gələn il üçün Almaniyanın federal ştatlarına ümumilikdə
6,85 milyard avro (7,87 milyard ABŞ dolları) maliyyə ayrılmasına dair
qərar qəbul edib. Bu barədə "Reuters”ə Almaniya hökumətindəki mənbə bildirib.
Miqrantların
inteqrasiyası üçün 2019-cu ildə federal ştatlara maliyyə dəstəyini
nəzərdə tutan qanun layihəsinin təşəbbüskarı Almaniyanın Maliyyə Nazirliyidir.
Layihədə nəzərdə tutulan 6,85 milyard avroluq ümumi vəsaitin 2,44
milyard avrosu alman dili dərslərinin keçirilməsi də daxil olmaqla
miqrantların inteqrasiyasına, 1,8 milyard avro yaşayış yeri ilə təmin
edilmə, 500 milyon avro isə sosial mənzil subsidiyaları üçün ayrılacaq.
Bu
layihə 2022-ci ilədək miqrantların inteqrasiyasını qarşıya məqsəd qoyan
və federal ştatlara ümumilikdə 15 milyard avro ödənilməsini nəzərdə
tutan proqramın tərkib hissəsi kimi dəyərləndirilir. /azvision.az