İranın cənub-şərqində baş verən qum fırtınasında 140-dan çox insan xəsarət alıb.
"Qafqazinfo” İran KİV-nə istinadən xəbər verir ki, ötən həftəsonu Sistan və Bəlucistan əyalətində145 yerli sakin nəfəsalma, göz və ürək problemi ilə bağlı tibbi yardıma müraciət edib. Zərərçəkənlərdən 27-si xəstəxanaya yerləşdirilib.
Qeyd edilir ki, küləyin gücü saatda 104 kilometrə çatıb. Yerli hökumət əyalətin bir sıra bölgələrində xəstə və yaşlı sakinləri evdə qalmağa çağırıb.