Çində avtomobilin izdihama çırpılması nəticəsində 11 nəfər həlak olub

Çinin mərkəzində yerləşən Hunan əyalətində avtomobilin sürətlə insan kütləsinə çırpılması nəticəsində həlak olanların sayı 11 nəfərə çatıb.

Xezerxeber.az xarici KİV-lərə istinadla xəbər verir ki, Henyan şəhər dairəsi administrasiyasının məlumatına əsasən, insident nəticəsində, həmçinin 44 nəfər xəsarət alıb.

Hadisə sentyabrın 12-də yerli vaxtla 19:35-də baş verib. Qırmızı rəngli avtomobil naməlum səbəbdən yüksək sürətlə Henyan şəhərinin meydanında izdihamın içərisinə girib.

Sürücü həbs edilib, hadisənin motivləri hələ də bəlli deyil. Təhqiqat aparılır.