Xəzər Xəbər

Pentaqonun mətbuat katibinə qarşı istintaq başladı

Dünya | 11:17 • 15 Avqust 2018
Pentaqonun mətbuat katibinə qarşı istintaq başladı
ABŞ Müdafiə Nazirliyinin (Pentaqon) baş müfəttişi Pentaqonun mətbuat katibi Dana Uayta qarşı daxili istintaq prosesi başladıb.


XəzərXəbər CNN telekanalına istinadən xəbər verir ki, Uayt vəzifə səlahiyyətlərindən sui-istifadə etməkdə təqsirləndirilir. O, öz işçilərinə xidməti vəzifəsinə aid olmayan tapşırıqlar verib. Bura həmçinin, öz şəxsi əşyalarının kimyəvi təmizləməyə verilməsi, dərmanların alınması və banklardan kreditlər götürülməsi üçün sənədlərin doldurulması və tərtibi də daxildir.


Bu cür qeyri-xidməti işlərə məcbur edilən əməkdaşlar Uaytdan şikayət etdikdən sonra, mətbuat katibi onları Pentaqonun mətbuat xidməti departamentində baş vəzifələrə keçirib.

Lakin Pentaqonda məsələni şərh etmək istəməyiblər. "Gedən yoxlamanı biz şərh edə bilmərik”, – deyə ABŞ müdafiə nazirinin ictimaiyyətlə əlaqələr üzrə köməkçisinin müavini Çarlz Sammers bildirib.

Xəbər lenti