İsrail Qəzzanı yerlə-yeksan etdi Bir gecədə 140 hücum

İsrail ordusu dünən axşamdan etibarən blokada altındakı Qəzza bölgəsində 140-dan çox nöqtəni və dinc sakinləri atəşə tutub.

Hücumlar nəticəsində bir hamilə qadın, bir azyaşlı olmaqla, 3 nəfər həlak olub, 12 nəfər yaralanıb.

Hücuma məruz qalan nöqtələrdən 20-i hərbi məqsədlə istifadə olunan bölgələr olub. Hücumlarla bağlı İsrail ordusundan verilən açıqlamada Həmas qruplaşmasına aid hərbi komendantlıq, Həmasın dəniz qüvvələrinin təlim sahəsi və Qəzza bölgəsinin cənubundakı Xan Yunisdə Həmasa aid nöqtələrin məhv edildiyi bildirilib.

Fələstin hökuməti beynəlxalq ictimaiyyətə İsrailin blokada altında saxladığı Qəzzaya təşkil etdiyi hücumlara son verməsi üçün təcili müdaxilə çağırışı edib./publika.az