İndoneziyada yenidən güclü zəlzələ olub

Avqustun 9-da İndoneziyanın Lombok adası yaxınlığında yenidən güclü zəlzələ baş verib.

AZƏRTAC yerli KİV-lərə istinadla xəbər verir ki, 6,1 bal gücündə zəlzələnin episentri Mataram şəhərindən 10 kilometr cənubda, ocağı 10 kilometr dərinlikdə yerləşib.

Xatırladaq ki, ötən bazar günü həmin ərazidə 7 bal gücündə zəlzələ baş vermişdi. Bu zəlzələnin afterşokları olaraq 5,4 və 4,3 bal gücündə yeraltı təkanlar qeydə alınmışdı. Antara agentliyinin yaydığı məlumata görə, həmin zəlzələ nəticəsində 347 nəfər həlak olub.