Venesuela prezidenti Nikolas Maduro həbs ediləcək.
"RİA-Novosti” agentliyi xəbər verir ki, bu haqda ölkə prezidentinə sui-qəsdə iştirakda ittiham edilmiş Venesuela parlamentinin müxalifət deputatı Xulio Borxes bildirib.
"Nikolas Maduronun ittihamlarına mənim cavabım budur: biz onu hakimiyyətsiz və həbs edilmiş görəcəyik. Maduro Venesuelada zorakılığın tək ilhamverənidir. Venesuelaya qısa müddətdə inkişaf, demokratik və dinc dəyişiklik lazımdır”, - Borxes KİV üçün bəyanatında deyib.
Qeyd edək ki, avqustun 5-də parad zamanı Venesuela prezidenti Nikolas Maduroya qarşı sui-qəsd olub. Maduro sui-qəsdin təşkilində müxalifəti və Kolumbiya prezidenti Xuan Manuel Santosu ittiham edib. Kolumbiyanın Xarici İşlər Nazirliyi ittihamları rədd edib./publika.az
