Tereza Mey: “Brexit” üzrə ikinci referendum keçirilməyəcək”

Böyük Britaniyada "Brexit" üzrə ikinci referendum olmayacaq.

"Reuters" xəbər verir ki, bu barədə Britaniyanın baş nazir Tereza Meyin rəsmi nümayəndəsi bildirib.

"Britaniya ictimaiyyəti Avropa İttifaqından ayrılmağa səs verib. Heç bir halda ikinci referendum olmayacaq", - rəsmi nümayəndə bildirib.

Qeyd edək ki, daha əvvəl T.Mey Böyük Britaniyanın Avropa İttifaqıdan (Aİ) çıxmasının hökumətə öz qanunlarını qəbul etməyə imkan verəcəyini söyləyib. Ölkənin Aİ-dən çıxışı Britaniyanın üzvlük haqqı kimi ödədiyi irimiqyaslı ianələrin dayandırılması ilə nəticələnəcək.