Xəzər Xəbər

Hökumətin səlahiyyətləri Ərdoğana keçdi

Dünya | 13:59 • 4 İyul 2018
Hökumətin səlahiyyətləri Ərdoğana keçdi

24 iyun seçkilərindən sonra Türkiyədə parlamentar respublikadan prezident idarəetmə üsuluna keçilməsi çərçivəsində hökumət səlahiyyətlərini prezidentə təhvil verib.

XəzərXəbər xəbər verir ki, bu barədə iyulun 4-də "Resmi Gazete”də rəsmi məlumat dərc olunub.

Xatırladaq ki, Türkiyədə 1924-cü ildən 2017-ci il də daxil olmlaqla, bir sıra qanunlarda və qanunvericilik aktlarına dəyişiklik və düzəlişlər edilib.

Həmin qanunlara və son Konstitusiya referendumuna əsasən, baş nazirin və hökumətin icraedici səlahiyyətləri prezidentə verilir.

Prezident and içəndən sonra qanun qüvvəyə minəcək.

Qeyd edək ki, iyunun 24-də Türkiyədə növbədənkənar prezident və parlament seçkiləri keçirilib.

Seçkilərdə Rəcəb Tayyib Ərdoğan 52,59 faiz səs toplayaraq yenidən ölkə prezidenti seçilib.

Onun sədri olduğu Ədalət və İnkişaf Partiyası (AKP) isə 41,56 faiz səs toplayıb.

İyulun 8-də Türkiyədə prezident və millət vəkilləri and içəcəklər.

Onu da qeyd edək ki, andiçmə mərasimi ilə bağlı Türkiyə Böyük Millət Məclisinin (MM) ilk iclasına "İYİ Parti”li 71 yaşlı millət vəkili Yılmaz Durmuş sədrlik edəcək.

Əslində ən yaşlı millət vəkili CXP-nin keçmiş genəl başqanı və Antalya millət vəkili Dəniz Baykal olsa da (onun iyulun 20-də 80 yaşı tamam olur-red), amma səhhətində problemlər hələ də davam etdiyi üçün onun ilk iclasa sədrlik etməsi mümkün olmayacaq.

Bu səbəbdən onun digər yaşlı millət vəkili Yılmaz Durmuş əvəzləyəcək.

Eyni zamanda, qeyd edək ki, AKP-nin "Cümhur” İttifaqındakı ortağı MHP TBMM başqanlığna namizəd irəli sürməyəcəyini bəyan edib və yeni başqanın böyük ehtimallarla Türkiyənin sonuncu baş naziri, AKP İzmir millət vəkili Binəli Yıldırım olacağı gözlənilir.

Xəbər lenti