Bir sıra dövlətlər
"raket təhlükəsi” bəhanəsilə birtərəfli qaydada Avropada, Asiya və Sakit
okeanı məkanında raketdən müdafiə sistemləri yerləşdirir. Buna qarşı
qüvvələr balansının təmin olunması üçün Moskva və Pekin birgə əməkdaşlıq
edəcək. Bu barədə Çinə səfər edən Rusiya prezidenti Vladimir
Putinin Si Tsinpinlə danışıqlarının yekununda qəbul olunan birgə
bəyanatda deyilir.
"Rusiya və Çin qlobal və regional strateji
balans, sabitliyin təmin olunmasına xüsusi diqqət ayıracaq. Çünki bir
sıra dövlətlər "raket təhlükəsi” bəhanəsilə birtərəfli qaydada raketdən
müdafiə sistemlərini təkmilləşdirirlər və onları Avropada,
Asiya və Sakit okeanı məkanında yerləşdirirlər. Bununla da regional
dövlətlərin, o cümlədən Rusiya və Çinin strateji təhlükəsizlik
maraqlarına ciddi zərər yetirirlər. Onlar, həmçinin strateji qüvvələr
balansına, qlobal və regional təhlükəsizlik və sabitliyə mənfi təsir
göstərirlər”, – deyə bəyanatda vurğulanır.
Qeyd edək ki, bu gün
Rusiya prezidenti Vladimir Putin Çinə səfər edərək həmkarı Si Tsinpinlə
görüşüb. Səfər zamanı tərəflər arasında ticarət, energetika, kosmos və
digər istiqamətlərdə əməkdaşlığı bnəzərdə tutan bir sıra müqavilələr
imzalanıb. Həmçinin, Putin Çinin Çindao şəhərində keçiriləcək Şanxay
Əməkdaşlıq Təşkilatının iclasına da qatılacaq./azvision.az