Rusiyada yaşayan azərbaycanlı Putinə sual verib

Rusiyada yaşayan azərbaycanlı bloqqer Hüseyn Həsənov Prezident Vladimir Putinə sual verib.

Xezerxeber.az AZƏRTAC-a istinadən xəbər verir ki, Rusiya Prezidentinin keçirdiyi "Birbaşa xətt” zamanı Rusiyada yaşayan azərbaycanlı bloqqer Hüseyn Həsənov V.Putinə sual ünvanlayıb. Bloqqerin "İnstagram”, "YouTube” kimi populyar sosial şəbəkələrin bağlanacağı barədə şayiələrin gəzməsi barədə sualına cavabında V.Putin bildirib ki, təhlükəsizlik məsələləri onun üçün ön planda durur. O deyib: "Hüquq mühafizə orqanları mənə məlumat vermişdilər ki, Sankt-Peterburqda metroda baş verən partlayışdan sonra terrorçuların şifrələnmiş yazışmasını izləmək mümkün olmayıb. Ancaq mən buna necə reaksiya verməli idim? Mən sizin və sizin işlədiyiniz adamların narahatlığını anlayıram. Biz heç nə bağlamaq fikrində deyilik”.

Rusiya dövlətinin başçısı vurğulayıb ki, qadağan etmək ən asan yoldur. Lakin o, məsələnin sivil yolla həllinə tərəfdardır.