Havay adasında vulkan püskürüb, xəsarət alan var

Havay adasında Kilauea vulkanından püskürən lava bir yerli sakinin xəsarət almasına səbəb olub.

Xezerxeber.az-ın məlumatına görə, bu barədə "Hawaii News Now" telekanalı yerli hakimiyyət orqanına istinadən məlumat yayıb.

Binada üçüncü mərtəbədə olan kişinin ayağına lava hissəciyi sıçrayıb. Ciddi xəsarət alan həmin şəxs xəstəxanaya yerləşdirib.

Qeyd edək ki, püskürməyə başlayan Kilauea vulkanının külləri 9 km hündürlüyə qədər yayılır. Ekspertlər vulkanın püskürməsinin bir neçə həftə davam edə biləcəyini söyləyirlər. Bundan əvvəl vulkanın püskürməsi ilə əlaqədar yaxınlıqdakı yaşayış məntəqələrindən 10 minə qədər insan evakuasiya edilib. Vulkandan püskürən lava axını 30-ə qədər evi məhv edib. ABŞ prezidenti Donald Tramp Havay adasını təbii fəlakət zonası elan edib.