"Almaniya üçün
Alternativ” partiyası kansler Angela Merkelin yürütdüyü miqrasiya
siyasətinin qanuniliyi məsələsini Konstitusiya Məhkəməsində qaldırmağa
hazırlaşır.
Bu barədə "Zeit" nəşri məlumat yayıb.
Partiyanın
vəkili Ştefan Brandnerin sözlərinə görə, siyasi təşkilatın tərəfdarları
öz şikayət ərizələrində göstəriblər ki, Merkelin hökuməti miqrasiya
siyasətini işləyib hazırlayarkən parlamentin prosesdə iştirak hüququnu
pozublar. Deputatlar, xüsusən də, Avstriya ilə sərhəddən miqrantların
buraxılmasına icazə verilməsi üzrə qərarın məhkəmə tərəfindən
yoxlanılmasını tələb ediblər.
Qeyd olunub ki, əgər Almaniyanın Konstitusiya Məhkəməsi şikayəti təmin etsə, Angela Merkel istefa verməli olacaq.
Xatırladaq ki, Merkel yanvar ayında alman cəmiyyətinin maliyyə və miqrant böhranı səbəbindən qütbləşdiyini bəyan etmişdi.