Əgər ABŞ Tayvana dəstək göstərməyə davam edərsə, Çin bir sıra tədbirlər həyata keçirəcək. Bu barədə "China Daily" nəşri məlumat yayıb. Bildirilib
ki, Pekin Tayvan ətrafında hərbi mövcudluğunu gücləndirə, Çinin ərazi
bütövlüyünü tanımayan firma və şirkətlərə münasibətdə araşdırma başlada,
yaxud onların Çin bazarına girişini məhdudulaşdıra bilər.
Bundan əvvəl, mart ayında Çinin Müdafiə Nazirliyi ABŞ vətəndaşlarının Tayvana gediş-gəlişini nəzərdə tutan qanuna qarşı çıxaraq, sənədin müddəalarının icra olunmamasına çağırmışdı.
Qeyd
edək ki, İkinci Dünya müharibəsindən sonra Çində baş verən vətəndaş
müharibəsində Mao Tsedunun başçılıq etdiyi kommunistlər Çan Kayşinin
liderliyindəki Komintana qalib gəlib və Çin Xalq Respublikasını elan
ediblər. Məğlub olan Çan Kayşi partiyası Tayvanda yeni hökümət qurub.
Bundan sonra tərəflər arasında əlaqələr kəsilib. Tayvan Çindən
ayrıldığını elan etsə də, Pekin onu həmişə öz ərazisi hesab edib və bunu
sübut etmək üçün güc tətbiqinə hazır olduğunu gizlətmir./azvision.az