Həsən Ruhani: Azərbaycan-İran əməkdaşlığını nümunə göstərdi

İran prezidenti Həsən Ruhani Tehranda keçirilən beynəlxalq neft-qaz sərgisinə baxış keçirib.

H. Ruhani bildirib ki, İranın siyasəti qonşular və dünya ölkələri ilə konstruktiv əməkdaşlıq üzərində qurulub: "Bu siyasətin icrasının ən bariz nümunəsi İran və Azərbaycan arasındakı müştərək əməkdaşlıq və görəcəyimiz işlərdir. Azərbaycanla əməkdaşlığımız dünya ilə əməkdaşlıqda yürütdüyümüz siyasətin bir nümunəsidir. Biz bu əməkdaşlığı digər qonşu ölkələr, o cümlədən Türkmənistanla da edəcəyik. İran qonşu ölkələrlə müştərək neft yataqlarına sahibdir. Ölkə xalqlarının maraqları naminə bu sahəyə investisiya qoyuluşunun sürətləndirilməsi çox önəmlidir".

H. Ruhani qeyd edib ki, neft sənayesi İranın milli gücüdür və diplomatiyada xüsusi yerə sahibdir: "Neft, neft-kimya məhsulları ixrac edən ölkə güclü ölkədir". (APA)