Türkiyə prezidenti Rəcəb Tayyib Ərdoğan Bəşər Əsədi dəstəkləyən silahlı dəstənin Afrinə daxil olmaq cəhdinə münasibət bildirib.
Ərdoğan deyib ki, Əsədi dəstəkləyən
qüvvələr Türkiyə artilleriyasının atəşindən sonra Afrindən geri çəkilib.
"Bu
gün axşam saatlarında Afrinə doğru irəliləyən onlarla maşın aşkar
edilib. Artilleriya atəşindən sonra onlar geri çəkilməyə məcbur
ediliblər. Hələlik hər şey bununla bitib. Bəzi terrorçu qruplar bəzən
yanlış qərarlar verirlər, bu qəbuledilməzdir, onlar buna görə cavab
verməli olacaqlar”, - deyə Ərdoğan Əsədi dəstəkləyənlərə xəbərdarlıq
edib.