Qətərdən Səudiyyəni qəzəbləndirəcək daha bir addım
Dünya
|
15:49 • 20 Fevral 2018
Qətər regionun altı ölkəsinin daxil olduğu
Fars Körfəzi Ərəb Ölkələrinin Əməkdaşlıq Şurasını tərk etməyi düşünmür. Bu açıqlama ilə ölkənin xarici
işlər naziri Məhəmməd bin Əbdül Rəhman Əl-Tani çıxış edib.
"Qətərə qarşı blokada tətbiq edənlər istəyirdi ki, biz bu təşkilatdan
çıxaq və yeni qurum yaradaq. Lakin bu alınmayıb. Nə qədər ki, Qətər var,
şurada işləməyə davam edəcək",-deyə nazir vurğulayıb.
O, həmçinin bildirib ki, qonşu ölkələr Qətərə qarşı sanksiya tətbiq
etməklə Əməkdaşlıq Şurasının nizamnaməsinin bütün müddəalarını pozub.
Qeyd edək ki, Fars Körfəzi Ərəb Ölkələrinin Əməkdaşlıq Şurası Bəhreyn,
Qətər, Küveyt, Birləşmiş Ərəb Əmirliyi, Oman və Səudiyyə Ərəbistanından
ibarətdir. /FaktXəbər