Xəzər Xəbər

Birinci xanımın parlaq obrazı – FOTO

Dünya | 13:03 • 6 Fevral 2018
Birinci xanımın parlaq obrazı

Amerikanın birinci xanımı Melaniya Tramp qüsursuz obraz nümayiş etdirib.

Donald və Melaniya dünən Kentukki və Ohayo ştatlarının sərhədi Sinsinnatiyə uçublar. Hava limanına gəldikdən sonra prezident və həyat yoldaşı ayrılıb. Prezident məmurlarla iqtisadi məsələləri müzakirə edib, birinci xanımı isə uşaq xəstəxanasına yollanıb.

Hər bir obrazı heyranlıq doğuran Melaniya Trampın budəfəki çıxışı da xırdalıqlarına qədər düşünülüb. ABŞ-ın birinci xanımı səfər üçün sarı və qəhvəyi rəngli dəst seçib. Trikotaj vodolozka və palto eyni rəng tonlarında olub, onun dəri yubkası ilə "Hermes” çantası və əlcəklərinin rəngi də bir-birinə çox uyğun seçilib. Obrazın tamamlayıcısı kimi birinci ledi dəyişməz hündürdaban ayaqqabı üzərində qərar verib, amma bu dəfə üzərində bəbir təsvirləri olan versiyasını.

Yeri gəlmişkən, məşhur cütlüyün bu çıxışı da qalmaqalsız ötüşməyib. Amerika prezidenti xanımının əlindən tutub kameralar qarşısında səmimilik nümayiş etdirməyə çalışsa da, Melaniya heç nəyə məhəl qoymayıb və ərinin əlindən tutmaqdan imtina edib.

Bir neçə gün əvvəlsə Melaniya Tramp prezidentlə birlikdə Amerika üçün çox əlamətdar olan "Superboul” idman yarışlarının açılışında içtirak edib. O, Beynəlxalq Qolf Klubunda keçirilən açılışa "Amiri” moda evindən üçrəngli bomber-kurtka, "J Brand”dan ağappaq cins şalvar və "Christian Louboutin” ayaqqabı markasından sevimli dikdabanlarda gəlib.

publika.az

Xəbər lenti