Kəndinə qayıdanlara 300 qoyun veriləcək
Türkiyədə
Dünya
|
12:28 • 6 Fevral 2018
Türkiyənin Kənd Təsərrüfatı Nazirliyi
kəndlərdən şəhərə axının qarşısını almaq üçün maraqlı aksiyaya start
verib. Belə ki, kənd həyatını tərk edərək şəhərə gedən ailələr geri
qayıtmaq müqabilində 300 qoyun alacaqlar.
XəzərXəbər-in "Yeni Şafak" qəzetinə istinadən verdiyi məlumata görə,
Türkiyənin kənd təsərrüfatı naziri Əşrəf Fakıbaba bildirib ki, doğma
kəndlərinə qayıdan fermer ailələrə 300 damazlıq qoyun, heyvanlara
baxanlar isə minimum əmək haqqı ilə təmin olunacaq.
"Hər bir ailəyə 300 damazlıq qoyun veriləcək. 300 ədəd qoyun alan
şəxslər həmçinin minimum məvacib alacaqlar. Onların sığortası da
ödəniləcək. Yem, dərman, baytarlıq ehtiyacı yaranarsa, bu da təmin
olunacaq. Sadəcə kənddə ərazisi olanların mülkiyyət sənədini ipoteka
olaraq alacağıq. Fermerlər 300 qoyun və 300 bala veriləcək. Bu balaların
hamısı fermerə aid olacaq. Geri ödəniş 300 ədəd doğulacaq körpə ilə
başlayacaq. Bu balalar bir neçə aydan sonra hər biri 700-800 lirəyə
(313-358 AZN) satıla biləcək. Bu isə il ərzində 210 min lirə (94 min 101
AZN) edir. Bu böyük maliyyədir. Fermer istəsə, bu balaları bizə sata və
borcunu ödəmiş ola bilər",-deyə türkiyəli nazir əlavə edib.