Din işləri naziri:
Adnan Oktar özünə nəzarəti itirib
Dünya
|
13:37 • 1 Fevral 2018
Türkiyənin din işlər naziri Əli Erbaş
Adnan Oktarın "A9" kanalının fəaliyyəti ilə bağlı fikirlərini
səsləndirib. O, qəzet və televiziya nümayəndələri qarşısında çıxış
edərkən bildirib ki, həmin kanalın bağlanması lazımdır.
"Bu şəxs vaxtilə yəhudilik və masonluq haqda kitablar hazırlayan bir
qrupa rəhbərlik edirdi. O, özünə nəzarəti tamamən itirib. Hətta buna
görə cəza da alıb. Həbsinə səbəblərdən biri də Atatürkü təhqir
etməsidir. 1980-90-cı illərdə mən çox yaxşı xatırlayıram ki, Atatürkü
təhqir etdiyi üçün həbs olunmuşdu, amma indi ən böyük Atatürkçü olduğunu
deyir. Din İşləri Nazirliyinin "A9" kanalını bağlamaq səlahiyyəti
yoxdur. Səlahiyyət kimdədirsə, o, bunu etməlidir. İnşallah, maşallahlar
havada uçur, amma rəqqasələr ortada oynayır",-deyə Türkiyənin din işləri
naziri əlavə edib./faktxəbər