Əfqanıstanda polisə hücum: 8 ölü, 2 yaralı var

Əfqanıstanın cənubunda "Taliban” hərəkatının hücumu nəticəsində azı 8 polis əməkdaşı öldürülüb, 2 nəfər isə yaralanıb.

AZƏRTAC xəbər verir ki, Pajvak informasiya agentliyinin yaydığı məlumata görə, insident yanvarın 17-də axşam saatlarında Hilmənd əyalətində baş verib.

Yerli polis idarəsinin rəis müavini Qul Xan silahlıların əyalətin şərqində yerləşən Laşqarqah və Hereşk şəhərləri arasında nəzarət-buraxılış məntəqəsinə hücum etdiyini deyib. Onun sözlərinə görə toqquşma nəticəsində taliblər də itki verib. Lakin onların sayı bildirilmir.

Nəzarət-buraxılış məntəqəsinə hücumun məsuliyyətini "Taliban” hərəkatı üzərinə götürüb.