Tarixi eksponatların oğurlanmasına görə ömürlük həbs veriləcək

Misir hökuməti tarixi eksponatların, eləcə də qədim abidə parçalarının ölkədən qanunsuz çıxarılmasına görə cəzanı sərtləşdirib.

Bu cür fəaliyyəti həyata keçirən şəxslər ömürlük həbs cəzasına məhkum edilə və ya 500 min ABŞ dolları məbləğində cərimələnə bilərlər.

Qeyd edək ki, Misirdə "qara arxeoloqlar” kimi tanınan şəxslər ölkənin tarixi irsinə ən böyük təhlükə hesab olunurlar. Hər ay Misir hüquq-mühafizə orqanları müxtəlif tarixi bölgələrdə onlarla qazıntı yerləri aşkar edir və yüzlərlə tarixi "brakonyer” həbs olunur.

Bu cür tarixi eksponatlar Misirdən çıxarılaraq fərdi kolleksiyaçılara satılır. (Trend)