Türkiyə prezidenti Rəcəb
Tayyib Ərdoğan bəyan edib ki, onun babası Birinci Dünya Müharibəsində
Rusiyaya qarşı vuruşub və həlak olub.
XəzərXəbər xəbər verir ki, bu barədə "Rosbalt” nəşri məlumat yayıb.
"Sarıqamış əməliyyatlarından sonra bizim kəndin bəzi sakinləri geri
qayıdanda danışırdılar ki, mənim babamın əlində silahla donduğunu
görüblər”, - deyə Ərdoğan vurğulayıb.
Türkiyənin Müdafiə
Nazirliyi bəyan edib ki, arxivlərdə Rizə vilayətinin Ulucami kəndinin
sakini olan Ərdoğanın babası Mustafanın 1915-ci ilin yanvarında hərbi
xidmət zamanı həlak olmasına dair sənəd var.
Qeyd edək ki, Sarıqamış döyüşü 1914-1915-ci illərin qışında baş verib. Döyüş türk ordusunun məğlubiyyəti il başa çatıb.