Səhər saatlarında
Suriyaya səfər edən Rusiya prezidenti Vladimir Putin Xmeymim hərbi
bazasında bu ölkənin lideri Bəşər Əsədlə ayrıca görüş keçirib. Bu barədə
"RİA Novosti” xəbər verir.
Qeyd edək ki, Rusiya prezidenti Vladimir Putin gözlənilmədən Suriyaya səfər edib.
Putin Suriyanın Xmeymim bölgəsində yerləşən Rusiya hərbi hava qüvvələrinin bazasına baş çəkib.
Putin Rusiya əsgərlərinin Suriyadan
çıxarılması haqda əmr verib. Müdafiə naziri və Baş Qərargah rəisinə
Rusiya hərbi birləşmələrinin daimi dislokasiya yerinə qaytarılması
barədə tapşırıq verilib.
Putin Rusiya hərbçilərinin vətənə qələbə ilə qayıtdıqlarını deyib. Prezident əlavə edib ki, əgər terrorçular yenidən başlarını qaldırsalar, daha ağır zərbələrlə onlara hücum ediləcək.
Qeyd edək ki, bu gün Rusiya prezidentinin Türkiyəyə səfəri gözlənilir. Onun Ankaradan öncə Suriyaya gedəcəyi gözlənilmirdi.