Gürcüstanın və Odessanın sabiq rəhbəri Mixail Saakaşvili Kiyevdə saxlanılıb.
Bu barədə eks-prezidentin tərəfdarları məlumat
yayıblar. Bildirilib ki, Saakaşvili müalicə üçün getdiyi xəstəxanada
Ukrayna Təhlükəsizlik Xidmətinin əməkdaşları tərəfindən tutulub.
Saakaşvili saxlanıldığı istintad təcridxanasında müddətsiz aclıq
aksiyasına başladığını bəyan edib. O, həmçinin tərəfdarlarını ona qarşı
irəli sürülən ittihamlara inanmamağa çağırıb.
Məlumata görə, bu gün Saakaşvili barədə məhkəmə qərar verəcək. Odessanın keçmiş qubernatorunun tərəfdarları Dövlət Təhlükəsizlik Xidmətinin yerləşdiyi binanın ətrafına toplaşırlar.
Qeyd edək ki, Saakaşvili Ukraynada dövlət çevrilişinə cəhddə ittiham olunur.