ABŞ prezidenti Donald Tramp meşə yanğınları ilə əlaqədar Kaliforniya ştatında fövqəladə vəziyyət rejimi elan edib.
Bu barədə Ağ ev məlumat yayıb.
Qeyd edək ki, ABŞ-ın Kaliforniya ştatının cənubunda meşə yanğınları tüğyan edir. Yanğınlar nəticəsində azı 2 nəfər həlak olub.
Yanğınların
əhatə etdiyi rayonların sayı 6-ya, ümumi sahəsi 57 min hektara çatıb.
Azı 500 evin yandığı, fəlakət zonasından 190 minə yaxın insanın təxliyə
olunduğu bildirilir.