Ukraynanın ən yeni əməliyyat-taktiki "Qrom” raket sisteminin hazırlanması son mərhələsindədir və il ərzində sınaqdan keçiriləcək.
AZƏRTAC-ın yerli mətbuata istinadla verdiyi məlumata görə, bu barədə Pavloqrad kimya zavodunun direktoru Leonid Şiman açıqlamasında bildirib.
Onun sözlərinə görə, yeni raket sistemi Ukrayna Silahlı Qüvvələrinin istifadəsinə yaxın 3-4 il ərzində təqdim olunacaq.
Qeyd edək ki, yeni raket sistemi hədəflərə bir neçə yüz kilometr məsafədə effektiv şəkildə təsir edə bilir və düşmən hava müdafiə sisteminə 96 faiz nüfuz edir.