Çin Hindistana məxsus PUA-nın ölkənin hava məkanına daxil olmasından narazıdır

Çin tərəfi Hindistana məxsus pilotsuz uçuş aparatının (PUA) ölkənin hava məkanına daxil olmasından narazılığını bildirib.

AZƏRTAC yerli KİV-lərə istinadla xəbər verir ki, Çin Xalq Azadlıq Ordusunun yüksək rütbəli hərbçisi Can Şuyli bu barədə bəyanat verib.

Bildirib ki, ölkənin sərhəd qoşunları Hindistana məxsus PUA-nın icazəsiz Çin hava məkanına daxil olduğunu və bir müddət sonra naməlum səbəbdən düşüb məhv olduğunu müşahidə ediblər. "Hindistanın bu hərəkəti Çinin ərazi suverenliyini pozub və biz bundan çox narazıyıq. Çin silahlı qüvvələri öz missiyasını və öhdəliyini yerinə yetirəcək, ölkənin suverenliyini və təhlükəsizliyini qəti şəkildə qoruyacaq”, - deyə Can Şuyli bildirib.